Mugikorren inguruko proposamen aurreratuenek oso erantzun positiboak jaso dituzte, erantzun argiak hemen eta orain nahi dituen bezeroengandik. Eskaera exijentea da, baina hori da bezeroaren ahotsa.

Sorli Discau supermerkatuak ongi jakin du bezeroak akuilatzen, metro geltokietan edo beren eguneroko bizitzako beste «parentesi espazio» batzuetan proposamen mugikorrak eginez. Oso argigarriak dira baita ere Aquarius eta Idealista konpainien apustuak, online kanalen bidez iritsi baitira merkatuetara, profil berriko bezeroengana.

Muga, Inauxa eta Pasaban sektore oso lehiakorretako hiru euskal enpresa dira, zeintzuk estandar berriak markatu eta kokapen sendoak lortu baitituzte nazioarteko merkatuan. Herrialdeen arteko mugak gero eta lausoagoak dira nazioartekotze estrategien giltzarriak azalduko dituzten erakunde hauentzat. Beren industrien iraultzaile izaki, egunero akuilatzen dute berrikuntza beren erakundeetan gainerakoengandik bereizteko.

Saio honetan gaurko erakundeen lehiakortasunerako funtsezkoak diren hiru ardatz landuko dira: pertsonak bezeroaren zerbitzura; automotibazioa eta erronkak eta hesiak gainditzeko gaitasuna; eta produktibitatea, kalitatean eta eraginkortasunean oinarritutako ikuspegia. Alemaniako eredua erreferentzia interesgarria da alderdi horietan guztietan.

Bloke honetako hiru hitzaldiek badute zeresanik: Starbucks eta bezeroarengana zuzendutako eredua; ThyssenKrupp, Espainian 150 urte baino gehiago daramatzan enpresa alemana; eta igeriketako txapeldunen txapelduna, Teresa Perales, joko paralinpikoetako domina gehien dituen kirolaria.