Enpresa berritzaileenen negozio ereduei buruzko adibide praktikoak eta haien emaitza ikusgarri eta benetakoak aurkeztuko dira. Publikoari bere estrategiak ikuspuntu berritzaileago batetik pentsatzen eta definitzen lagunduko zaio.   Ez da aldaketa handirik behar, ezta aparteko adimenik ere... garrantzitsuena lana eta konstantzia dira, bai eta funtzionatzen duten egiturei eusten jakitea.

Enpresak negozio prozesuetan eta eraginkortasun handiagoa lortzeko hobekuntzan oinarritu izan dituzte ideia berritzaileak. Ildo horretatik, berrikuntzak etengabea eta sistematikoa izan behar du, izan ere, hain aldakorra den testuinguru honetan, egungo arrakastek ez baitute inolaz ere etorkizuna bermatzen.

Profesionalak dira antolakundeetako aktiborik garrantzitsuenak. Enpresaren barruan pertsonen ekimenak sustatzeko beharrezkoa den giroa sortu behar da eta egoki kudeatu behar dira haien gaitasunak. Kontuan izan behar da talentu gutxi dagoela gure artean eta  horrek eragina duela eta izango duela antolakunde publiko eta pribatuetan. Pertsona faktore erabakigarria eta ezinbestekoa da berrikuntzarako.

Gaur egun negozio bati ezin zaio ikuspuntu lokal batetik heldu. Komunikazioak, mugikortasuna, nonahikotasuna eta konektibitatea ezinbestekoak dira polo anitzeko mundu honetan lehian aritzeko, eta bestalde, bultzada handia ematen diote berrikuntzari.

Pertsonei gazte-gaztetatik irakatsi behar zaie jakin-mina eta kuriositatea lantzen, garuneko inertziak hausten, arriskuekiko jarrera positiboa izaten, ekintzarako ausardia izaten, etab. Horrela, profesional onak eta gaituak lortzeaz gain, pertsona motibatuak eta oztopoei beldurrik ez dietenak lortuko ditugu (oztopoak batzuetan gezurrezkoak izan daitezke baina beti dira kaltegarri).